ሁከትና ብጥብጥ ለማስነሳት እየሰራችሁ ነው፣ ኦባማ ሲመጣ ሰላማዊ ሰልፍ ለማድረግ እየተንቀሳቀሳችሁ መሆኑን ደርሰንበታል በሚል የታሰሩት አቶ መርከቡ ኃይሌና አቶ አበበ ቁምላቸው ለሀምሌ 20/207 ዓ.ም ቀጠሮ ተሰጥቶባቸዋል፡፡ ዛሬ ሀምሌ 16/2007 ዓ.ም አራዳ ፍርድ ቤት በዝግ ችሎት የቀረበው አቶ መርከቡ ኃይሌ ለውሳኔ ለሀምሌ 20/2007 ዓ.ም ተቀጥሯል፡፡
በተመሳሳይ በቄራ ፍርድ ቤት የቀረበው አቶ አበበ ተጨማሪ የጊዜ ቀጠሮ ተሰጥቶበት ለሀምሌ 20 ተቀጥሯል፡፡ አቶ አበበ የጊዜ ቀጠሮ ሲሰጥበት ይህ ለሶስተኛ ጊዜ ነው፡፡ አቶ አበበ ቁምላቸውን ደህንነቶች ‹‹ከሌሎች አባላቶች ጋር በመሰባሰብ ሁከት ለመፍጠር እየሰራችሁ ነው›› በሚል ምርመራ እንደሚያደርጉበትና ድብደባም እንደሚፈጽሙበት ገልጾአል፡፡
በተመሳሳይ ሀምሌ 11/2007 ዓ.ም ባልታወቀ ምክንያት የታሰረው የቀድሞ አንድነት አባል አቶ ፍቃዱ በቀለ ካሳንቺስ የሚገኘው 6ኛ ፖሊስ ጣቢያ ምድር ቤት ውስጥ ብቻውን ታስሮ እንደሚገኝ የነገረ ኢትዮጵያ ምንጮች ገልጸዋል፡፡
Source:: Zehabesha
No comments:
Post a Comment